vendredi 29 mars 2024
Suivez-nous
Faa'a : haapii te hamani i te 'Ete

Mahana piti i te 18 no tenuare 2022 - Te tamau noa ra te taatiraa "Heituitevaianitea" tana faaiteite raa i te peho rima'i no te amuitahiraa "Faa'a i te rima ve'ave'a". 

Mai ananahi raa, te ti'ai noa ra te fei'a rima'i no te faaiteite ta ratou mau taoa horoa mai te mau 'ete, te mau hei arapoa faaohipa hia te mau pupu, te mau huero, te mau rauere no te fenua nei, te mau turu'a, te mau tifaifai, te fei'a taurumi, te fei'a tatau e te vai atu ra ... te mau tauihaa mama roa. I teie poipoi, ua faatupu hia i te hoe faaiteite raa no te haapiipii i te fei'a na hea e hamani i te hoe 'ete ? hau i te ahuru mama, tei tapapa atu i teie faanahoraa mai te hora 9 e te afa e tae atu i te hora 11 e te afa. Teie mai te mau haapapu raa no roto mai te peretiteni o teie faaiteite raa o Fabiola Tupana, uiui hia e Tupatiri Jennings.

E i te roaraa o teie faanahoraa e faatupu i te mau mahana ta te tahi, te tahi mau haapiipii raa mai ia Jeanne Taoata no Faa'a, tei hinaaro e faaravai i tona 'ite i te pae o te rima'i. Ia 'i maita'i tona rima i te mau 'ite o teie mau mama mai tana e faaite atu ia Tupatiri Jennings.

E hope te faaiteiteraa i te 29 no tenuare i te hora maha i te ahiahi. I te mau mahana ato'a, te hoo hia te taofe e te ma'a i te pae avatea. Hinaaro 'outou, titauhia e tapapa atu.