No te maororaa e piti hepetoma. E opani i te mahana maa 29 no tenuare. 10 mau taatiraa tei faaiteite atu i ta ratou mau tauihaa rima'i, te 'ete, te taupoo, te mau hei pupu, te tifaifai, te mau pareu peni hia, te turua, te mau tauihaa faanehenehe, te hei arapoa, te mau ahu pareu e te vai atura.Mea nehenehe mau. Te vai atoa ra te feia taurumi e te mau feia tatau. I roto na hepetoma e piti e rave atoa hia te mau haapiiraa rave rau mai te hora 9h30 e tae atu I te hora 11h30. I nanahira, ua haamata te haapiipii raa i nia i te 'ete.10 mau mama tei faao atu no te reira haapiipiiraa. O te hoe o ratou o Belinda no Hotuaraea, ua ite oia i te faufaa o teie ohipa. Teie mai to na manao, uiui hia e Tupatiri Jennings.

No teie mahana, e rave hia te haapiipiiraa no te hamaniraa te vihi turua, teie mau haapiipiiraa e ere no te mau taata noa no Faa'a, nehenehe atoa to rapae mai ia faaa e haere atoa i roto i teie haapiipiiraa. Titau atoa hia outou ia aufau te tahi tuhaa. Haamaramaramaraa, niuniu noa atu i te 89.24.38.07