Mahana piti i te 24 no me 2022 - I teie poipoi i te fare Tauhiti Nui i nia i te Paepae a Hiro te tupuraa te vauvauraa manao no roto mai i te faatere hau no te hiro’a tumu o Heremoana Maamaatuaiahutapu turu hia mai e te pu fare Tauhiti nui, na reira atoa te mau taatiraa no te ori, rima’i, no te tuaro, na reira atoa te mau taiete e turu nei i teie heivaraa, no te tatararaa mai te parau no te Heiva Tahiti 2022.
I roto i te reira Heivaraa te vai nei hoa ia te parau no tatauraa o te mau pupu ori o tei iriti hia atu i te mahana matamua no Tiurai, te tatauraa o te mau pupu himene, te vai atoa ra te faanahoraa rima’i, te parau no te umi ti faanaho hia mai e Raymond Graffe e tupu ia te reira i Mahana Parc, te hoeraa vaa i Mataiea, te tatauraa faahororaa puaahoro fenua i Pirae, te tatauraa tuaro Maohi i Vairai, te patia fa, te amoraa ofai, te tauma haari, te tatauraa paaro puha e te mau po Heivaraa i nia i te marae Arahurahu e vai nie i Paea. No te maororaa e piti hepetoma teie Heivaraa, e haamata atu ia i te mahana matamua no te avae Tiurai e tae atu ai i te 16 no Tiurai. No te pupu ori Rurutu noa e faatere hia ra e Olivier Lenoir, o te pupu ia i tapea hia no te ori atu i nia i te Marae Arahurahu tei faaite i to na oaoa i te tapearaa hia ta na pupu, te tumu parau tei tapea hia mai te Pii Fenua. Teie mai to na manao, uiui hia e Tupatiri Jenninngs.