Ua amui atoa mai te mau tavana no Rangiroa, no Raiatea, no Takaroa ‘e no Maupiti na roto i te pataraa hohoa natirara. Mai ta tatou e ite, te vai ra tera aroraa i rotopu ia Onati, raua ‘o Vodafone no te mea, a piti hepetoma i teie nei, ua tapu roa hia atu te reni i te mau fenua no Raiatea ‘e no Huahine. Oia mau, te vai ra te tahi mana’o ‘ino’ino i roto i te faatere a Vodafone no reira ia oia i faatupu ai tera vauvauraa mana’o. Te hinaaro ato’a ra o Onati e afa’i ia Vodafone i mua i te tiripuna, aita ra o Vodafone e ri’ari’a ra no te mea, tei roto ratou i te tahi ti’ara’a papu, aita ta ratou e hape. No teie fifi ta teie mau fenua e farerei ra, ua parau te faatere no Vodafone i te mau hoani tei faaohipa ra i te reni Vodafone, aita ratou e ‘aufau e piti ava’e ta ratou parau tarahu, no te mea te hinaaro ra ratou e faatae te tapao tatarahapa i roto i ta ratou mau hoani. E mea rahi te mau o ta ratou e horo’a atu mai te reira te huru. Ta ratou fa, ia ape’e mai te rahira’a o te feia no Porinetia nei ia ratou. Teie mai nei te tahi mau mana’o no roto mai ia Mata Alfred, uiui hia e te pu Radio Te Reo O Tefana.