Toru tumu parau, te tereraa manureva, te niuniu afaifai, e te pahono raa i te peapea raa o te metua varua Pere Christophe. I te pae no te tereraa manu reva, inaha hoi, hoe aniraa  i te 4 no tenuare ra no roto mai i te hoe taiete api Air Bora Bora no te utaraa i te mau horo patete i te mau motu. Te haapapu ra te mono peretiteni rave rahi mau opuaraa e vai nei, rave rahi atoa mau aniraa no roto mai i te mau taiete, te ite ra ia tatou te faufaa rahi no roto mai ia ratou i te pae no te tuuraa te moni i roto no te maitai o te mau horo patete. Rahi anae te taiete e tupu ia te toparaa te mau tarifa. I teie taime te vai ra te taiete Air tahiti te uta nei te mau horo patete i te taatoa raa o to tatou mau motu. Te vaira te taiete Moana (Natireva), e haamata ratou i te uta te mau horo patete i te avae no tiunu 2022. Roto i te hioraa a te mono peretiteni, ua ravai noa e piti taiete, eaha ra e toru taiete, no te mea e api roa te tauraa manureva. Teie mai te manao o te mono peretiteni Jean-Christophe Bouissou tei tapea hia mai.