Faahanahana hia teie opereraa re e te fatere hau no te haapiiraa Isabelle Sachet, te peretiteni o te fare apooraa rahi, Gaston TONG SANG, te peretiteni o te tapihooraa tapihaaraa, Stéphane CHIN LOY e te peretiteni o te piha rau maire, Eugène SOMMERS. No te 9 raa ia o te taime teie faanaho raa, haamau hia mai teie haapiiraa i te matahiti 2010. 3 matahiti te maoro raa o teie haapiiraa. Ua ite hia i te oaoa raa i roto i te taatoa raa, mai te mau faatere, te mau tamarii e tae noa atu to raou mau metua tei amui atoa mai. No vetahi, ua roaa ta ratou ohipa, no vetahi e titau faahou atu a te tahi mau haapiiraa teitei atu a. Te hoe i roto ia ratou o Maui TAUPUA ia, ua tupu te oaoa. Teie mai tona manao oaoa, uiui hia e Tupatiri JENNINGS.

Ua ite hia te oaoa i roto i te peretiteni o te pu tapihooraa tapihaaraa ia Stéphane CHIN LOY i nanahi nei, na roto i te horoa raa te mau parau tuite na te mau piahi no te haapiiraa tapihooraa e tapihaaraa. 17 mau piahi tei manuia i nia 20 piahi. Te opuaraa no te matahiti muri nei, i te faarahi raa ia te mau tamarii i roto i te reira haapiiraa. Haamau hia mai teie haapiiraa i te matahiti 2010 ra. Mauti teie haapiiraa i te fenua nei, aita atura ia e titau hia e haere i te fenua Farani aore ra i te fenua Marite. Mea titau hi ate hoe tapura faufaa rahi no te haere atu i Farani e te fenau Marite. Ua fanao ta tatou mau tamarii, no te mea tei te fenua noa nei. Teie mai te manao o te peretiteni o te pu Tapihooraa e Tapihaaraa, Stéphane CHIN LOY, uiui hia e Tupatiri JENNINGS.