I nanahi nei te hope raa na faaiteite raa e piti na te pu Rautea e vai nei i te fare oire no punaauia e i Outumaoro. I te faaiteite raa i Outumaoro, hou atu 90 feia faaiteite atu i reira. Te feia faaapu tiare, te feia faaapu maa, te feia faamuraa animara e te rima’i. Ua ite hia atu e ratou te fifi i te mahana toru, mahana maha e te mahana pae no te mea i te mahana toru, mahana matamua no titema, ‘ua faahepo hia ai te parau tauira no te ea i roto i te mau faaiteiteraa. No te mea titau hia te parau tauira no te ea, rave rahi mau taata tei haere mai aita ta ratou parau tauira tei ore e faarii hia e tomo i roto. A rea ra no te mahana maa e te tapati, rave rahi mau taata tei haere mai, no te mea ua faaore hia te parau tauira. Ua ite hia te manuia raa i roto i na mahana e piti nei. Tei mai te haapapu raa no roto mai ia Dora, vahine faaapu tiare no Paea, uiui hia e Tupatiri Jennings.

No te pae raa o te taime i rave hia te reira i roto i te faaiteiteraa faanaho hia e te pu Rautea, paturu hia mai e te taiete manureva « Air Tahiti Nui ». E 7 mau taata faaapu vanira tei tatau atu. E 3 tomite hiopoaraa tei faanaho hia mai no te reira mahana. E hiopoa atu ia ratou te huru o te vanira, te noanoa, te rarahi, te roroa, tamata atoa hia tona monamona. E tapea hia mai na 3 taata, tei haru mai te re matamua, te re piti e te re toru, no te haere atu e tatau i te fenua farani i te matahiti i muri nei i te avae fepuare. Tei matara mai, te re matamua, tei ia Rurua Teava no Moorea, te re piti tei ia Rupe no Huahine, te re toru tei ia "Manutea Vanille". Teie mai te manao o Rurua Teava no Moorea, tei haru mai te re matamua, uiui hia e Tupatiri Jennings.