Monire i te 13 no titema 2021 - I te tapati i mairi ae nei i te fenua Taratoni, ua tupu te maitiraa no te toru raa te taime no te maitiraa uiuiraa manao, hinaaro anei te nunaa Taratoni i te tiamaraa aore ra ia vai noa i roto ia Farani.
Te mea i ite hia, hoe avae na mua atu, pii na te pupu porotita "FLNKS" no te tiamaraa i to ratou i te fenua nei, ia haapae te nunaa kanak i teie maitiraa. Te tumu te reira haapae raa, ua rave ratou te parau no te heva raa i te rahi raa taata kanak tei pohe na roto i te mai "Covi 19". Ua ani ratou i te hau Farani ia faanuu hia teie maitiraa i te hoe taio mahana e atu, aita i faarii hia. Ua tere atoa ratou i te hau amui no te faareirei raa i te tomite 24 no te reira tumu parau. 43,90 % tei haere e maiti. 75 762 tei maiti i te « aita », 2 755 tei maiti te oia. Ua upootia te aita i roto i teie maitiraa. Ia hio hia ra te rahi raa taata tei haere e maiti, ua rahi ia te feia i ore e haere e maiti. Nehenehe e parau hia, ua manuia te piiraa no roto mai i te pupu "FLNKS" no te tiamaraa, ua faaroo hia ta ratou piiraa. Eaha te manao o te peretiteni o te Tavini huiraatira i nia i teie maitiraa, aita hoe faatura raa, e faanaho raa mafia. Tei mai tona manao tei tape’a hia i roto i te ve’a a Porinetia tahi i anapo nei.