Mahana pae i te 24 no titema 2021 - I nanahi nei I roto i te rururaa o te mau mero apooraa rahi no te tuatapapa atu te tahi mau opuaraa ture no te faatereraa o te fare turutaa, te parururaa totiare, parururaa te mau piahi, haamauraa te tute api no te autaeraa e no te ohipa, no te mau rahua no te fenua nei, te faahotu raa rima i no te fenua nei.
I te pae no te faatereraa o te fare turutaa ia haamou hia 15 mero no te faatereraa no te 5 matahiti, ua turuhia te reira i te taatoaraa o te mau mero apooraarahi. I te pae no te haamauraa te hoe tute api “TVA” totiare 1,5 i nia i te mau maa hoo o te fenua no te tauturu i te feia rave ohipa e te mau taiete ohipa no te tururaa i te afata turutaa no te amoraa i tana mau haamauaraa, te pae no te mai, te moni fatuhaaraa, moni tamari, e te vai atura. Ua mana atoa te reira opuaraa ture 38 reo tei faarii 18 reo tei patoi. E faaohipa hia atu te reira i te mahana matamua no te avae eperera 2022. I roto i te reira patoi raa, tei roto atoa te pupu Tavini Huiraatira, te patoi nei ratou i te huru faanahoraa tute e te ru raa i teie opuaraa tute. Teie mai te manao o te mero apooraa rahi, Tony Geros, uiui hia e Tupatiri Jennings.