Mahana piti i te 25 no tenuare 2022 - Te piri maira te mahana maitiraa no te mau mero apooraa oire no Arue i te tapati 30 no tenuare i muri nei no te hatuaraa matamua.
E toru pupu i faao atu i roto i te reira maitiraa. Te ohipa rahi te tomoraa ia i roto i te nunaa i te mau aroa atoa. Na reira atoa i te faatupuraa te mau rururaa nunaa. No te tapura “Ia ora Arue” e aratai hia e Tepuanui Snow, aita ratou e faatupu te rururaa nunaa, faaohipa noa ratou i te tomoraa utuafare. Teie mai te manao o Poroi Teanau, mero atoa i nie i teie tapura, uiui hia e Tupatiri Jennnings na roto I te rave’a o te niuniu parauparau.
Areara no te tapura e aratai hia e Leo Marais, « Tapura no Arue » , i nanahi ra tei roto ia ratou i te mau fare nohoraa totiare tei ore a te mau utuafare fetii e fatu atura, to ratou hinaaro raa ia fatu hoa teie mau taata i teie mau fare nohoraa totiare. Ua nehenehe atoa ratou i tatara atu ta ratou mau tapura ohipa. Te tautooraa matamua roa, te horoaraa te ohipa na te mau ui api. Teie mai te manao o papa Atonia, mero i nia i tapura, uiui hia atu e Billy Pan-si.