E piti mau opuaraa ture  ta ratou e hio atu. A tahi,  te parau no te faatoparaa mai te faautuaraa no te feia i ore e faatura i ture faaheporaa i te patia no te mau pu ohiparaa e faarii rahi nei i te taata i nia i te faito 80 000 toata eaha ra 175 000 toata. Te piti no te opuaraa ture no te amoraa te tapura haamauaraa no te mau tauturu a te hau fenua i to te fenua Tona, i nia i te faito 30 mirioni toata. Hau aera e haere atu ai i nia na opuaraa ture e piti. Ua horoa hia te hoe taime i te peretiteni o te fenua ia Edouard Fritch no te faaiteraa mai te mau ohipa i tupu i roto i to na tere i te fenua farani na reira atoa i roto i te mau rururaa ta na i amui atu i reira. Hau atu hoe hora ta na oreroraa. I teie taime te tupu noa ra teie rururaa, tei nia ratou i te parau no te faatoparaa te faautuaraa. Teie mai te manao o Felix Tokoragi, tavana Makemo tei tapea hia mai.