lundi 24 janvier 2022
Suivez-nous
Omicron : vauvauraa manao no roto mai te faatere hau o te ea

Mahana maha i te 23 no titema - Vauvauraa manao tei tupu i nanahi nei i te pu ohipa raa o te peretiteni raa o te fenua na te faaterehau no te ea, Jacques Raynald, turu hia mai e te taote Pierre-Henri Mallet e ia Daniel Ponia no te faaite raa mai te puohuraa o te mai tovi i te mau hepetoma atoa.

I ta ratou hio raa, te mau noa ra te mau numera, aita e taata i pohe mai, iti te taata tapea hia i te fare mai, i roto i te piha faaoraora raa. I te pae no te patia arai, 171 208 tei tapia hia te patia raa matamua. 70,2 % mai te matahiti 12 e hau atu tei patia hia te piti o te patia raa, ua roaa hia te numera i tohu hia i te haamataraa 70%, tei manao hia ei faito parururaa amui. Te tumu rahi no te reira no te faaturaraa ia te taata i te mau faueraa parururaa, na reira atoa i te faaroo raa i te mau piiraa ia haere e patia ia ratou, o te reira noa te ravea no te parururaa. Ta ratou e manao ra i teie nei, ia haere a te nunaa e patia ia ratou, aita a e ravai atura. Teie mai te manao o Ponia Daniel, uiui hia e Tupatiri Jennings.

I te pae no te aveave "Omicron", tei nia tatou i te faito 37 taata tei roaa hia i teie tirotiro. I ta ratou hio raa, e ere teie tovi aveave "Omicron" i te mea puai atu i te aveave "Delta", te vahi puai oia i te pae ia no te peeraa. Teie mai te mau haapapu ra no roto mai ia Ponia Daniel.