Mahana piti i te 11 no tenuare 2022 - I teie poipoi raro ae i te fare ie no te peretiteni raa o te hau fenua, rave rahi a mau taata tei haere atu e patia ia ratou i te patia arai.
Te rahi raa no te toru ia o te patiaraa. No te reira oire no te reira oire, ua tae mai to Punaauia, to Faa’a, to Papeete, te mau matahiapo, te feia paari tae noa atu i te mau taurearea. I nanahi ra hau atu 600 taata tei haere atu e patia ia ratou. Teie mai te manao o Daniel Ponia, uiui hia e Tupatiri Jennings.
No Jean-Pierre Taupootini e faaea nei i te Mission, amui atu oia no te pitiraa o tona patiaraa. Te tumu rahi oia i patia ai ia na no te taime matamua, no te mea e taata reva reva oia i te fenua marite, no reira oia e patia ai ia na, ia nehenehe oia e fanao te parau tauira no te patia arai. Aita atoa oia e tiaturi nei i teie mau patiaraa arai, no te mea hau ae oia i patia hia ai i te patiaraa matamua, te parau ra te taote teie patia arai aita i tae i nia te 100%. Teie mai tona manao.