‘Ua haere mai te fa’aterehau no te utuafare ‘e te autae’aera’a ‘o Isabelle Sachet e te fa’aterehau no te ha’api’ira’a ‘o Christelle Lehartel i teie ‘āvarira’a. ‘Ua riro teie pū ‘ei tauturura’a i te mau tamari’i huma i te pae no te feruriraa, ma’i hiparoto no te fa’ahaere ia rātou i ni’a i tehō’ē faito ha’api’ira’a‘ e te hō’ē faito ora ra’a ti’a. Nā te fa’aterera’a hau nō te autae’aera’a ‘e te pū fa’aterera’a no te mau ‘ohipa totiare i ‘aufau i te mau hamau’ara’a. Inaha na te tahi ‘aivana’a, ‘orometua ha’api’i ‘e te mau tahu’a ha’api’i ‘āpī e ‘āpe’e i na mau tamari’i i te mau mahana ato’a, i roto ite area hō’ē, piti ‘aore ra toru matahiti. ‘Ua titauhia teie area matahiti no te fa’ahaere fa’ahou ia ratou i te fare ha’api’ira’a i muri mai. Te parau ra ‘o Thierry Leclère, te fa’atere o te mau ta’atira’a huma no Moorea-Maiao e ‘apitihia teie fa’anahora’a ‘e te tahi fare ha’api’ira’a no te titau teie mau tamari’i i te ho’i maru noa ra’a i roto. Ua ite hia te manao oaoa o te peretiteni o te taatiraa huma no Moorea ia John Toromona no teie pu i haamau hia. Teie mai tona manao, uiui hia e Tupatiri Jennings.

Eaha te tumu rahi teie mau tamari i roaa hia i teie mau fifi, i roto i te hioraa ia John Toromona , no roto te tahi pae o te fifi i te mau metua. Teie mai a tona manao tei tapea hia mai.