Mahana piti i te 21 no titema 2021 - Te ta’atira’a “Cousins Cousines de Tahiti”, tei ha’amauhia i te matahiti 2007, faaterehia e Karel Luciani no te aro i nia i te parau o te oraraa o te pa’i’a, te parau raa te tane e te tane, te vahine e te vahine.
30 ti’ahapa ta’ata i roto i teie ta’atira’a te ‘aro noa nei i ni’a i te parau o te ‘aifaitora’a o te ho’e pupu ta’ata i ni’a i te tahi, ‘e i ‘o nei te parau ia no te Pa’i’a. E mea rahi te mau fifi ta ratou e farerei i te mau mahana ato’a mai te ti’avarura’a i rapae i te ‘utuafare, te tahi mau hamani ‘inora’a i te mau vahi ato’a no reira ia ratou e hina’aro ai e a’o (ha’api’i) i te mau ta’ata i ni’a i teie parau na roto i te tonora’a i roto i te mau fare ha’api’ira’a ‘ia ara maita’i te u’i hou i teie huru orara’a peneia’e ‘api no ratou. Mea rahi ta ratou mau ‘opuara’a tei ‘ore i fari’ihia no te mea e mea ta’a’e te huru ferurira’a to te tahi ‘e te tahi I te fenua nei. Ta ratou fa : ‘Ia fa’a’ohipahia te mau ture i farani i te fenua no tera mau pupu ta’ata. Teie mai te manao haapapu raa no roto mai ia Guillaume Colombani, mero no te taatira, uiui hia e Tupatiri Jennings na roto i te rave’a o te niuniu parauparau.