lundi 24 janvier 2022
Suivez-nous
Opuaraa no te mau vahine e tama : te toe nei 30 mirioni farane

Mahana toru i te 12 no tenuare 2022 - Te pu no te hau, e pu teie e faarii nei te mau vahine haamani ino hia e tae noa atu i ta ratou mau tamarii.

Tei patu hia i te matahiti 1989 ra. No te mea hoi te rahi noa atura te mau vahine hamani ino hia e ta ratou mau tane, titau hia e faarahi teie pu no te faarii raa ia ratou tei paturu hia e te faatereraa o te fenua mai roto mai i te peretiteni Edouard Fritch e tae noa atu i te peretiteni o te Hau Farani ia Emmanuel Macron. Te hoe vahi te reira e rave hia ai rahi mau tapura ohipa tei faanaho hia mai, na mua roa no te parururaa ia ratou, ia nehenehe ratou atoa e patu faahou to ratou oraraa, turai raa ia ratou e haere i te mau haapiiraa no te roaa te mau parau tuite, a nehenehe atu ai e roaa ta ratou ohipa. 260 mirioni te tapura haamauaraa no te faarahiraa e te tahi mau paturaa. I teie taime, aita a te taatoaraa o te tauturu no te mau haamauaraa i noa atura, te toe ra 30 mirioni, te pii nei teie pu i te tahi atua mau tauturu, i te feia e nehenehe e tauturu atu. Teie mai te manao o te peretiteni o te pu o te mau vahine ia Chantal Minarii Galenon, tei tapea hia mai.