Mahana pae i te 4 no fepuare 2022 – I nanahi ra te iritiraa hia te faaiteiteraa a te taatiraa Farerau Arii peretiteni hia e Maimiti Barff i roto i te peho rima’i no te oire no Faa’a.
Rave rahi mau tauihaa tei faaiteite hia atu. Te ‘ete, te taupoo, te mau tifaifai, te peue, te mau hei pupu, te mau pareu peni hia, te mau ahu pareo e te vai atura mais ia mama Viriamu tei amui ato’a i roto i teie faaiteite raa. E aha tana mau tauihaa e haamani ? Teie mai ona mana’o, ta Tupatiri Jennings i tape’a hia mai.
Te vai atoa ra te feia taurumi e te feia tatau. Teie faaiteiteraa no te roaraa e piti hepetoma, e opani atu ia i te 19 no fepuare. E matara ia te faaiteiteraa mai te hora 8 i te poipoi e tae atu i te hora 3 i te avatea. Teie mai te manao o te peretiteni Maimiti Barff, tei tape’a hia.