Monire i te 20 no titema 2021 - I te mahana maa ra, ua farerei atu te mono peretiteni o te fenua, Jean-Christophe Bouissou i te mau taatiraa e te mau mero no te apooraa oire no Eimeho nui, i nia i te parau no te « ZDP », oia hoi te "Zone de développement prioritaire", te vahi faahoturaa ru, i te fare haapiiraa "Bioclimatique" no Papetoai.
No te vauvau atu i te mau opuaraa paturaa ta te hau fenua i manao no Moorea. Teie nei ra, i te pae o te mau taatiraa e paruru nei ia Moorea, aita te parau no te nunaa no Moorea i haapaohia. Faaroo mai tatou i te manao o Rahiti Buchin, mero no te CACEM.
I roto i teie farereiraa, rave rahi mau tumu parau faufaa i faahitihia no na 10 matahiti i muri nei. Teie noa ra te aniraa a te mau taatiraa, ia hiohia mai te parau no to Moorea e ia aifato te mau tia no te nunaa, te oire e te hau fenua i roto i te tomite tamau, ia faaroohia te reo o te nunaa. I te hi’araa ia Tearai Mahagafanau.