Mahana piti i te 24 no titema 2021 - I teie poipoi ua haaputuputu te taatiraa "TE REO MANA O TE NUNAA" aratai hia e tona peretiteni, Brenda Hoffman i Tarahoi no te faaite raa to ratou manao patoi i e faaheporaa patia arai e te tareta tauira no te ea parau hia "pass sanitaire".
No te aha e patoi ai i teie faaheporaa, no te mea te vai nei te tahi mau raau, e faaora i teie tovi 19. Tei ite hia na roto i te faaohipa raa te reira, te "chloroquine" anei, te "ivermectine" e te vai atura, na reira atoa te raau tahiti. Teie mai te manao o Brenda tei uiui hia e Tupatiri Jennings.
Te tahi ravea ta ratou e faaohipa ra no te patoiraa i teie faaheporaa e te tareta Tauira no te ea, te faaohipa raa ia i te ture o te fenua, ia au i te tahi aratai raa, titau hia hoe i nia i te ahuru o te feia maiti, e tuurima atu i te parau tarimaraa (pétition). Titau hia te faatereraa e faahoi i te faaotiraa i roto i te nunaa. Teie mai a tona manao, uiui hia e Tupatiri Jennings.