Mahana piti i te 17 no me 2022 - I nanahi nei ua tupu te vauvauraa manao no roto mai na 5 mero apooraa oire no te fenua no Moorea , oia hoi christiane Kelley, Julien Tuariihionoa, Jean Tehuritaua, Isabelle Deredec e Maire Bopp Dupont i Teavaro turu hia mai e te amuitahiraa Tahei auti no te piiraa ia te tavana oire ia faatupu hia te uiuiraa manao i roto i te nunaa no Moorea no te tapearaa mai na 3 ta fenua tei tapao hia i roto i te “PGA”.
Ia rave mai te oire i te reira tuhaa fenua no te faanaho atu i te mau opuaraa no te nunaa. Ua parau noa na ratou i te tavana ia Haumani Evans, ia hoo hia mai te reira tuhaa fenua no te oire. Te parau a te tavana aita ta te oire e moni no te hoo mai i te reira 3 ta fenua. Ua faanaho mai te hau fenua 10 ta no te nunaa o ta na e horoa mai i roto i te oire. Te ohipa e rave hia ra e na mero apooraa oire e 5 i te faatarimaraa ia i te huiraatira no moorea i te hoe parau tuurimaraa ia rave mai te oire i teie tuhaa fenua. Teie mai te manao o te mero apooraa oire o Christiane Kelley, uiui hia e Tupatiri Jennings.