Mahana maha i te 24 no mati 2022 - Tere haamaurururaa i te nunaa no Paea e te tavana Tony e ta na apooraa oire tei tarena maoro hia. No to tatou ra i ora a mai i roto i te tovi 19, aita tura te reira i tupu oioi i te matahiti 2020, no te mau opanipaniraa.
Ua tupu mai te reira mai te avae fepuare no te mea ua iriti hia te mau opanipaniraa. No te 5 raa o te taime ua tupu ia i na po nei i te tuhaa no Maraa i roto i te fare haapiiraa Vaipuarii. Taae noa atu te parau haamaurururaa, ua tatara atoa te tavana i te puohuraa o te mau ohipa i rave hia mai i roto hoe matahiti e te afa ratou i nia i te faatereraa o te oire. Ua tatara mai te tavana te mau ohipa rarahi tei roto i te hamaniraa, mai te pape, te fare tunuraa maa a te mau tamarii, te fare rapaauraa taata (dispensaire), te peho rima’i (artisanat), te uahu no te feia ravaai, te pae tahatai no te hapuraa miti no te nunaa, te parau no te ohipa, pauroa te reira mau ohiparaa te ohipa hia ra. Teie mai te tahi manao o te tavana Anthony Géros, uiui hia e Tupatiri Jennings.