Mahana toru i te 06 no eperera 2022 - I roto i te vauvauraa manao o te peretiteni o te Tavini huiraatira, Oscar Temaru i te monire ra, te piira oia i te nunaa maohi ia haapae i teie maitiraa Hau repupirita Farani, ia vaiho hia i te nunaa farani e haere e maiti i to ratou peretiteni.
Te nao atoa ra oia ia taui i to tatou feruriraa, ia tuu i roto i to tatou upoo, e ere tatou i te taata veve, e faufaa rahi ta tatou e vai nei i roto i to tatou fenua. Te parau atoa ra oia te faufaa matamua o te hoe fenua o to na ia nunaa. Ia ite pai te nunaa, ua poiete hia mai teie fenua no na, teie fenua nehenehe mau. Ia tuu pai te nunaa Maohi i roto i to na upoo e faufaa rahi ta na, ia ite pai oia i te reira, ia aro oia no teie faufaa, e nounou hia nei e te Hau farani. Te parau atoa ra oia e mea ru to tatou tiamaraa, te imi hia ra te ravea no te faaparemo ia tatou. Teie mai to na manao tei tapea hia mai e te pu Te Reo O Tefana.