Mahana toru i te 08 no titema 2021 - I nanahi nei ua tupu te tarima raa te parau faaauraa i rotopu i te peretiteni o te Hau fenua, Edouard Fritch e te faatere o te fare turu taa, Vincent Fabre.
Ravea tauturu raa na te fenua i te fare turu taa, tei fifi roa i roto i teie tau o te Covid-19, tei faafifi te tereraa faufaa, te mau taiete ohipa, te feia rave ohipa. Tei faatopa te tapura faufaa o te fare turu taa I te pae o te moni (cotisation) e o maira i roto i te afata. 7 miria 400 mirioni farane tei horoa hia, ravea no te aufauraa te mau haamaua raa no teie matahiti e no te matahiti 2022. Teie mai te manao o te peretiteni Fritch, uiui hia e Tupatiri Jennings
E moni tarahu te reira na te fare turutaa i te faatereraa o te fenua roto i te pau e imi ai te api. Haamata atu ia te faahoiraa tarahu i te matahiti 2024. Mea na hea i te faahoiraa i teie tarahu, te haamauraa ia i te tahi tute api. Teie mai a te manao o te peretiteni, Edouard Fritch, uiui hia e Tupatiri Jennings.