Mahana maha i te 09 no titema 2021 - I ananahi ra, ua faatupu atu te faatere hau e tiaau nei te « PSG » i tana vauvau raa manao, paturu hia mai e te mono peretiteni o te fenua nei, o Jean-Christophe Bouissou e te faatere o te fare turu taa, Vincent Fabre.
No te faaite raa i tana opuaraa ture no te fare turu taa, te parau hoa ra no te paruru raa i mua i te mai, te moni tatuhaaraa, te moni ruau, te moni tamarii no e 2 matahiti aore ra, e 4 matahiti. Tatara raa te hoe tatae raa i nia e 3 tuhaa : te faatere raa o te fare turutaa, te horoa raa moni na roto atu i te tute e te faanahoraa i te mau ohipa e titau hia ia rave. I te pae no turu raa faufaa, te haamau raa ia te hoe tute api i nia te faito 1,5% i nia i te mau maa, hamata atu i te avae no eperera 2022. Teie mai te manao o te mono peretiteni o Christophe Bouissou, uiui hia e Te Reo O Tefana.