Monire i te 24 no tenuare 2022 – I teie poipoi I iriti ai te fare haapiiraa toroa no Faa’a i ta ratou hepetoma Hiroa tumu, peu iho tumu, mai teie monire e tae atu i te mahana pae 28 no tenuare. Mai te mau mahana atoa, mai te hora 8 i te poipoi i tae atu i te hora 12.
Te tumu parau ta ratou i tapea mai, te hia to oe vairaa e te taurea. I ta ratou hioraa, na roto i te iteraa te mau tamarii i tona hiroa tumu, e tauturu te reira ia ratou i roto i ta ratou tau haapiiraa, e faatupu te reira i te manuia raa. Teie mahana, e mahana ia no te ta’amotu no Matuita ma. E faaohipa hia atu ia te parau no te tatau, ahuneraa, amoraa ofai, te aai no Matuita ma, faatairaa ukulele, te haka manu, te kumuhei, te kaaku e te ori matuita ma. Tei mai te manao o te mono faatere ia Vaiho Willy, uiui hia e Tupatiri Jennings.
I te pae no te kumu hei, te ite raa ia te mau tamarii haapiiraa i te rauraa o te mau tiare, to ratou mau ioa, to ratou mau u e te noanoa e to ratou mau faaohiparaa, hamani hia ei hei e te raau. Teie mai te manao o Carmen Soumine, orometua haapii e haapao nei teie piha no te kumuhei, tei tape’a hia.