Mahana toru i te 24 no atete 2022 - Te aupupu paruru ra te mau orometua te STIP tei tahoe to ratou manao no te tururaa ia Matani Kainuku o tei manuia i roto i ta na tatauraa i te fenua Farani i nia i te tiarara mata hiopa i te matahiti mairi ae nei.
Ua hinaaro oia e rave i te hoe parahiraa i te fenua nei. No te mea, ua vata hia e piti parahiraa i te fenua nei. Ua hinaaro oia e hoi mai i te fenua nei no te raveraa i ta na ohipa. Faatae mai oia i ta na aniraa i te avae tiurai ra. Aita ta na aniraa i faarii hia e te faaterehau no te fenua nei ia Christelle Lehartel. Teie te parau a te faatere hau ia vai atu a oia i te fenua Farani no te 1 matahiti faahou no te haapaariraa to na ite. Ua tuu hia teie ohipa i mua i te ture. I te pae no te paruru o Matani Kainuku, aita hoe ture e aratai nei te feia rave ohipa a te Hau e haapapu nei ia rave faahou oia 1 matahiti hau atu no te haapaariraa. Tiai atu ia tatou te hopearaa o taua ohipa nei.