Monire i te 21 no fepuare 2022 – I te mahana maa mairi ae nei, i roto i te vauvauraamanao a Tauhiti Nena i tupu i te fare oire no Papeete. Piri atu 400 taata tei amui atu i roto i te reira vauvauraa manao.
Rave rahi mau tumu parau, tei vauvauhia mai e te mau faaotiraa tei rave hia. Te Hau Maohi Tiama o te ioa api o te pupu porotita a Tauhiti Nena. Te hoe tiamaraa tauati e te hau farani. Ua faaoti atoa ratou e turu ia Zemmour no te maitiraa peretiteni Hau repopirita i te avae eperera e haere mai nei. Na reira atoa no te maitiraa iriti ture i te avae no tiunu, ua ineine atoa ta ratou mau tia no te faaoatu i roto i te reiramaitiraa. E haamana roa hia te reira i roto i te hoe rururaa mero hope i te 26 no Mati. No te aha e turu ai ia Zemmour ? Teie mai tona manao tei tapea hia mai e Tupatiri Jennings.