I ta raua parau raa ua topa te mau numera atoa i na avae ratere hia mai e tatou. Aore taata i pohe mai. Ua topa te feia i roto i te piha faaoraraa. Teie mai te haapapu raa no roto mai ia Ponia Daniel.

Te parau atoa ra raua , i roto i te mau titorotororaa o te mau taata e tae mai nei io tatou nei, ua ite hia te mau taata i mai hia i te tirotiro, ua ite hia te tahi tirotiro taae atu, te manao ra ratou, o te tirotiro omicron paha teie, ua tae mai io tatou nei. Tei roto ra te reira i te titorotoro raa a te pu “Malardé”. Teie mai a te manao o Daniel Ponia, uiui hia e Tupatiri Jennings.

Mai ta tatou e ite ra i roto i to tatou oraraa, faahepo hia te tareta tauira no te ea (pass sanitaire) i te tahi mau vahi. Hoe hio raa, i roto i te mau faaiteite raa hau atu 60 piha faaiteiteraa, titau hai teie tareta. Na reira atoa te tahi mau vahi, faahepo hia e te faatere raa o te fenua. Titau hia ia outou e haere atu i te pu “Malardé” aore ra i te mau fare raau (pharmacie) no te hamaniraa. No teie hopea hepetoma e rave hia te mau patia raa arai i te peretiteni raa o te fenua, e rave atoa hia te parau no te horoa raa i teie tareta. Teie mai te haapapuraa no roto mai ia Daniel Ponia i nanahi ra i roto i ta ratou vauvauraa manao.

E ara atoa ra ia tatou, mai te peu e pii hia outou no te haere faahou e patia, parau hia pai (rappel) titau hia outou ia faatura te tai mahana i horoa hia ia outou, mai te peu e hope teie taio mahana, e mairi atu, e ore teie parau haapapu raa no ta oe tarata, na reira atoa ia haere oe i te tahi atu mau fenua, mea taae rii te aratai raa ture. Titau hia ia ara hia. Teie mai te mana’o o Ponia tane.