Mahana maha i te 03 no fepuare 2022 - I roto i te puohu raa hepetoma a te paepae tovi i nia i teie tirotiro Omicron, e te numera o te mau taata e haere nei e patia ia ratou.
Te haapapu nei ratou i te vahi puai. Te mau numera tei roaa hia i te tovi, ua tatai piti i te maha o te hepetoma tei nia i te 881. Ua maraa atoa te faito mai hia i te 9,6 % inaha hoi i te pae no te hiopoaraa mea tano noa. Te mau numera afai hia mai, ua topa te reira 82, na reira atoa te faito mai no roto mai i te feia horopatete 2,8 %. Te tereraa o tei tovi i tahiti nei e i roto rave rahi mau motu. Matahiti tano noa te feia i mai hia 33 matahiti e 65% i raro mai te 40 matahiti. 6% tei hau atu 60 matahiti. Tei tirotiro Omicron e tirotiro pee roa te reira eita ra mea ataata. Teie mai te haapapuraa no roto mai ia Ponia tane.
No te rahi o te mau taata e titau hia e patia, ua faahoi faahou hia te patiaraa i raro ae i te fare i no te peretiteniraa. Teie mai te manao o Daniel Ponia tei tapea hia mai .
Teie mai ia te mau mahana i tapea hia mai i raro ae i te fare ie no te peretiteniraa no teie hepetoma, teie mahana maha 03 no fepuare mai te hora 8 i te poipoi e tae atu i te hora 3 i te ahiahi. Te mahana pae 04 no fepuare mai te hora 8 i te poipoi e tae atu i te hora 4 o te avatea. Te mahana maa 5 no fepuare mai te hora 8 i te poipoi e tae atu i te hora 4 i te ahiahi.