Mahana pae i te 18 no fepuare 2022 - I na po nei i te fare haapiira hotera no Tahiti i Punaauia a’e ra, ua rave hia te faafetia raa ta tatou mau tamarii tei haere atu i te fenua farani no te tatau atu i roto i te ra faanahoraa “Meilleur Apprenti de France” i te pae no te tunuraa maa, na reira atoa i te parau no te faanehenehe raa i te amuraa maa e te faariiraa tem au manihini.
13 rahiraa ratou tei faafetia hia, tei haru atoa mai te fetia piru. Ua riro ia ei tamarii aravihi roa ae no Farani no te matahiti 2021. Ua amui mai te mau tia mana o te Hau farani, na reira atoa to te hau fenua, te mau taiete, taatiraa e paturu maita’i teie fare haapiiraa, te mau metua, te mau tamarii. Ua ite hia te oaoaraa rahi i te taatoaraa i na po nei, na reira atoa te mau faatere o te fare faapiiraa. Faaroo mai tatou te manoa o te faatere o Pepin Mou-kam-tse, uiui hia e Billy Pan-si.