Mahana pae i te 18 no fepuare 2022 - I te pae no te hoohooraa, oia, te maraa noa ra te hoo o te maa i to tatou fenua, na reira atoa i roto i te tahi mau fenua no te ao nei.
Te mau maa hotu atoa o te fenua, ua maraa atoa. Ua riro atoa tei reira ei peapea raa i roto i te mau utuafare. No te mea tei roto tatou i te hoe oraraa tapihooraa no te faaoraraa i te tereraa faufaa o to tatou fenua. Tei riro paha ei fifi no te tahi mau utuafare. Te vai ra anei te tahi ravea ia mama mai oe i roto i te reira faanahoraa. Te pahonoraa e, te vaira, ia tanu hoa oe i ta oe iho. E ere ia i te parau api. E parau tahito. Te na o ra pai te ra ra parau e, hoe apoo i te mahana. Hopea matahiti anae, rave rahi apoo ta oe i tanu, ia tatai piti oe e tatai piti atoa ia. Oia atoa o André Tahimanarii i teie mahana, te ite ra oia i te maraaraa o te hoe, o te ohipa ia tana i rave i te tanuraa i tana iho, ia tiama oia i te pae no te maa. Teie mai tona manao, uiui hia e Tupatiri Jennings.