Mahana maha i te 03 no mati 2022 - Noatu a teie haamamaraa no roto mai i te peretiteni o te hau fenua Edouard Fritch i nia i te faaheporaa patia arai, aita te mau taatiraa e patoi nei i te reira faaheporaa i taui ta ratou aroraa i te faaoreraa i te faaheporaa no te taatoaraa.
I teie mahana e tuatapapa faahou ratou i te tahi atu mau faanahoraa no te reira. Te manao ra ratou e faao i roto i te taahiraa e faaati ia Tahiti no te 20 e tae atu i te 26 no mati e faanaho hia ra e te mau taote e te mau paruru, no te mea e turu atoa atu ratou i teie faanahoraa. No te tomo faahouraa i roto i te nunaa no te patoiraa i teie faaheporaa patia arai. Teie mai te manao o te peretiteni o te taatiraa Nunaa A Tia ia Brenda, uiui hia e Tupatiri Jennings.